Jam ajo femër që bëra prindërit të qajnë ditën e lindjes sime , vetëm për faktin që isha femër , ndonëse nuk qanë por një mërzi e kishin në zemër e një dridhje gushe sepse asokohe lindja e një vajze ishte fatkeqësi !
Jam ajo femër që u rrita duke e përtypur gjithmonë këtë fakt !
Jam ajo femër ku puthja faqet e nënës e fshija lotët e babait në momentet më të vështira të tyre ! Gjithmonë e detyruar të isha e sjellshme , e dashur , zemërgjerë , e butë , e brishtë … isha një amanet i
Zotit në tokë , një amanet që nuk u kujdes askush për të , sepse Zoti deshi që unë si femër të mësohesha të kujdesesha vetë për veten , sepse Zoti deshi të isha një krijesë e fortë , të mos ua kisha nevojën asnjë gjallese në tokë , ti dilja për zot vetes edhe kur mendoja që nuk mundesha !
Jam ajo femër ku brenda meje mishërohen qindra ndjesi , emocione , ëndërra , urtësi … ku brenda meje ekzistojne të gjitha moshat , kategoritë , gjinitë … brenda meje flen fëmija , bija , motra , vajza , gruaja , gjithmonë e denjë për të gjitha statuset , gjithmonë e fortë për të gjitha rastet , gjithmonë e gatshme për të gjitha ëndërrat , gjithmonë e fortë për të qeshur , për të qarë , për të kërcyer , për të dashur , për të urryer , në çdo rast me një fuqi të jashtëzakonshme !
Jam femër ore mik , ajo femër që di të qajë , të rrëzohet , të bërtet por pasi të ketë mbaruar me të gjitha , di të ngrihet 10 herë më fuqishëm se herën e parë !
Pse Zoti zgjodhi femrën për të sjell në jetë fëmijë , sepse është një krijesë e fortë , më e fortë se mashkulli , më e fortë se burri , më e fortë se vetë forca … sa e bukur kjo frazë , kjo fjalë ku femra quhet ” burrneshë ” , me një trimëri të frikshme , por nga ana tjetër vjen me një brishtësi aq të bukur për tu quajtur ” femër ” !
Ku keni parë një krijesë të tillë , që të jetë e aftë ti vjedh të gjitha emërtimet me të cilat emërtohet çdo gjë e mirë , e bukur , e frikshme , e butë , e fortë , e mahnitshme … E fortë ore mik , femër hesapi !!! ✔
Anna Dur
