Nga: Dr. Ismail Lutolli – specialist Pediatër
Subspecialist Dietolog-Nutricionist Subspecialist
Hematolog ; Onkolog
Panxhari bën pjesë në familjen e perimeve me vlera të larta ushqyese, me efekete të shumta pozitive në shëndetin tonë. Mund të konsumohet si rrënjët ashtu edhe gjethet si dhe mund të konsumohet i gjallë ose i gatuar lehtë.
Panxharin mund ta gjejmë në një larmi ngjyrash duke filluar nga ngjyra e kuqe, ngjyrë ari e deri te ngjyra e bardhë.
Panxhar përmban betainë, një agjent natyror anti-inflamator, përmbajën vitamina esenciale dhe minerale të tilla si vitamina B1, B2, B12 dhe C por gjithashtu kalium, magnez, bakër, fosfor, jod dhe hekur.
Japonezët e quajnë “pastrues trupi” sepse pastron organizmin nga kolesterina dhe trigliceridet, është diuretik aktiv, ndihmon në tretjen e yndyrës, me mjaft vlerë edhe në proceset inflamatore në organizëm.
Panxhari shpesh përdoret për të detoksikuar trupin pasiqë përmbajnë antioksidantë që janë të shkëlqyeshëm kur bëhet fjalë për detoksifikim. Ato gjithashtu përmbajnë celulozë dhe pektinë, një lloj i veçantë i fibrave që mund të përmirësojë tretjen.
Konsumohet në dimër por gjithashtu nuk e humbet shijen edhe në stinë tjera. Pra mund të konsumohet pothuajse gjatë tërë vitit.
Më poshtë ju paraqesim 10 arsyet se përse duhet të konsumoni pancharin:
1. Mjaft i pasur me antioksidantë
Në përpjekjet e vazhdueshme të organizmit për të mbrojtur vetveten nga efektet e stresit oksidativ, përdorimi i panxharit konsiderohet mjaft i rëndësishëm pasi përmban plot antioksidantë të tillë si beta-carotene, vitaminë C dhe mangan i cili mund të ndihmojë në forcimin e sistemit imunitar duke shmangur sëmundjet.
Gjatë jetës sonë të përditshme, stresi oksidativ është prezent në kontinuitet nisur nga prodhimi i vazhdueshëm i radikaleve të lira në rrjedhën normale të metabolizmit, përfshirë këtu edhe faktorët e jashtëm që ndikojnë për të shtuar dukshëm stresin në organizëm.
Efektet e stresit oksidativ janë të lidhura shpesh me sëmundje kronike të tilla si sëmundje të zemrës dhe mundësi për fillimin e sëmundjeve kancerogjene.
2. Shërbejnë si ushqim anti-inflamator
Mjaft i rëndësishëm në proceset e sëmundjeve inflamatore. Përmban në vetvete tre komponentët specifikë që ndihmojnë për këtë funksion janë: betani, isobetani dhe vulgaxanthin. Ato ndalojnë aktivitetin e sëmundjeve inflamatore. Inflamacioni është konsideruar si një faktor i madh rreziku për sëmundjet e zemrës, diabetit tip 2 dhe plot sëmundjeve të tjera.
3. Forcon sistemin imunitar
Ndoshta funksioni më i rëndësishëm i kësaj bime është që mbron sistemin imunitar gjatë gjithë vitit. Lëngu i kësaj perime është një pije e shkëlqyeshme për imunitetin sepse përmban një sasi të mjaftueshme energjie dhe lëndë ushqyese që do të sigurojnë shëndetin e të gjithë organizmit.
Imunitetin e përforcon duke pasur parasysh veprimet antiinflamatore, antioksidante si dhe përmbajtjes së vit C.
4. Ndihmojnë ne funksionimin më të mirë të Sistemit Nervor Qëndror
Konsumi i lëngut të panxharit shkakton një ekuilibër të sistemit metabolik në tërësi në njërën anë, gjithashtu dhe në anën tjetër rrit perfusionin apo rrjedhjen e gjakut në tru. E tërë kjo ndikon në një performancë më të mirë të funksioneve të trurit si qendra kryesore e organizmit dhe kordinimit të duhur.
5. Ndihmon në procesin detoksikues të organizmit
Mëlçia është gjëndra e vetme brenda trupit tonë që nuk rigjenerohet. Funksioni i mëlçisë është pastrimi i trupit të toksinave dhe kështu sigurimi i funksionimit normal të trupit. Kjo është arsyeja pse panxhari është një antioksidant i shkëlqyeshëm që do të lehtësojë ndarjen më të lehtë të substancave toksike dhe funksionimin e përmirësuar të mëlçisë.
Pigmentet që i japin ngjyrën panxharit të sheqerit janë pikërisht edhe pigmentet të cilat luajnë një rol tepër të rëndësishmë si antioksidantë ose agjentë anti-inflamator. Kështu ndihmojnë trupin duke neutralizuar toksina dhe duke ndihmuar në këtë mënyrë në procesin natyror të qelizës, detoksifikimin.
6. Burim i madh i acidit folik
Një filxhan panxhar përmban 150 mcg efolate, që është 40 për qind e vlerës së rekomanduar ditore. Folate, i njohur edhe si acidi folik, është një nga tetë vitamina B të përgjithshme mjaft e rëndësishme për formimin e qelizave të kuqe dhe të bardha të gjakut në palcën e eshtrave, konvertimin e karbohidrateve në energji dhe prodhimi i ADN-së dhe ARN. Folatet kanë një rol të rëndësishëm gjithashtu në uljen e rrezikut të sëmundjeve kardiovaskulare.
Kjo perime njihet gjithashtu si një burim i shëndetshëm hekuri, kalciumi, kaliumi, magnezi, fosfori, jodi squfuri, dhe një numër i caktuar mineralesh. Lëngu i panxharit i papërpunuar është veçanërisht i përshtatshëm për të gjithë njerëzit që vuajnë nga anemia, pasi ai nxitë formimin e qelizave të kuqe të gjakut.
7. Ndihmon në betejën me kancerin
Tek panxharet janë gjetur qeliza (CD8) të cilat shërbejnë për shkatërrimin e qelizave kancerogjene, në veqanti kanceri i zorrës së trashë. Shumë njerëz mund te perfitojnë duke pirë një gotë lëng panxhari në ditë.
Panxhari është konsideruar si ushqim antikanceroz dhe studimet janë premtuese.
8. Përmban vitaminën C
Panxhari është një burim i mirë i vitaminës C, e cila luan një rol të fuqishëm në rritjen e imunitetit të trupit. Kur sistemi ynë imun është i dobët atëherë ne jemi lehtësisht të prekshëm ndaj ftohjes, gripit apo edhe problemeve shëndetësore të tjera edhe më serioze.
Vitamina C është shumë e rëndësishme në procesin e mbrojtjen se organizmit, pasi ndikon në rritjen e prodhimit të qelizave të bardha, mbajtjen në gjëndje shumë të mirë të enwve të gjakut,absorbimin e duhur te hekurit nga organizmi si dhe rikuperimin e shpejtë në rast sëmundje.
9. Ndihmon në ekuilibrin e peshës trupore
Panxhari përmban vetëm 60 kalori në një filxhan dhe nuk përban aspak yndyrë. Panxhari është i pasur me vlera të larta në fibra dietetike, duke siguruar 15 për qind të vlerës së rekomanduar ditore në një filxhan të vetëm. E tërë kjo ndikon në ekuilibër të peshës trupore, me raste edhe si ushqim që ndikon në rënjen nga pesha e tepërt.
Panxhari me prezencë të pakët të kalorive por mjaftë e pasur në fibra, ofronë ndjesinë e ngopjes që do të zgjasë gjatë. Ajo gjithashtu e përshpejton metabolizmin, duke stimuluar dhe përmirësuar procesin e tretjes, që do t’ju ndihmojë për të humbur peshën e tepërt. Pra, një ushqim jashtëzakonisht i dobishëm për sitemin tretës.
10. Panxharinjë ushqim afrodiziatik.
Qysh në kohërat e lashta, romakët e vjetër e kanë përdorur panxharin si një ushqim afrodiziatik. Dihet se panxhari përshpejton qarkullimin e gjakut në zonën e gjenitaleve. Po ashtu panxhari përmban shkallë të lartë të mineralit të borit, i cili nxit lirimin e hormoneve seksuale. Pastaj njihet që panxhari është i pasur me nitratet e pasura të cilat në trup shndërrohen në oksidin e nitratit i cili zgjeron enët e gjakut, shpejton qarkullimin e oksigjenit dhe nutrientëve, ndërsa juve ju jep më shumë energji. E tërë kjo direkt dhe indirekt ndikon në funksionimin e duhur të jetës seksuale sa i përket aspektit të potencës seksuale. Pra e ndihmon këtë proces.
Prezentimi i panxharit te fëmijët fillon në moshën 8 – 10 muajshe. Recetat për përgaditjet dhe kombinimet do I sjellim në shkrimin e radhës. /Familjadheshendeti.com
